Thalapathy Vijay රඟන Leo චිත්‍රපටයේ ඔහු දුම්වැටියක් පානය කරන දර්ශනයට විරෝධයක් එල්ල වී තිබෙනවා. Green Motherland නම් සංවිධානය විසින් මෙම විරෝධය පළ කර තිබෙන අතර ඔවුන් පවසන්නේ දුම්කොළ පාලන පනත කඩ කරන්නෙකුට වසර පහක සිරදඬුවම් හිමි බවයි. මේ වන විට Leo චිත්‍රපටයේ රූගත කිරීම් බොහෝ දුරට අවසන්ව ඇති අතර, චිත්‍රපටයේ ඡායාරූප නිකුත් වෙමින් පවතිනවා. ඒ අතර තිබූ ඡායාරූපයක විජේ දුම්වැටියක් උරමින් සිටින දර්ශනයටයි මෙම සංවිධානය විරෝධය පළ කරන්නේ. දුම්වැටි සමාගම් මිනිසුන් මරා දමන බවත්, සිනමා වීරයන් යොදවා තරුණයන් දුම්පානයට ඇබ්බැහි කරවන බවත් ඔවුන් පවසනවා. ඉන්දියානු දුම්කොළ පනත යටතේ වරදක් බව දැන දැනම මෙය සිදුකර ඇති බව Green Motherland සංවිධානයේ අදහසයි.
– India Herald ඇසුරෙනි –
