Saoirse Ronan අයිරිෂ් – අමෙරිකානු සම්භවය සහිත රංගන ශිල්පිනියක්. ඇය රංගනයට අවතීර්ණව ඇත්තේ කුඩා කාලයේදීමයි. ප්‍රේක්ෂක සිත්වල මතක හිටින රඟපෑම් සනිටුහන් කළ ඇය ගෝල්ඩන් ග්ලෝබ් වැනි සම්මාන රැසකින් පිදුම් ලැබූ අතර ඇකඩමි සම්මානය සඳහා කිහිප වරක්ම නිර්දේශ වුණා. මේ W Magazine ඇය සමග සිදුකළ කතාබහක් .
• The Outrun චිත්‍රපටයට දායක වෙන්න ලැබුණෙ කොහොමද?
මගේ හස්බන්ඩ් ජැක් ලෝඩන් නිසා. එයා ඒ පොත ගැන දැනගෙන හිටියා. සෑහෙන කාලයක් අපිට ඒක කියවන්න වුණේ නැහැ. පස්සෙ එයා පොත ඉවරකරාම මට කිව්වා “මේක තමයි ඔයා ඊළඟට කරන චරිතය” කියලා.
• චිත්‍රපටයෙ ඔයාගෙ චරිතය “රෝනා” කියන්නෙ හරිම ඉක්මනට කැළඹෙන කෙනෙක්
ඔව්. අපි හැමෝම දේවල් තේරුම් ගන්නවා. සමහර දේවල් අපිට මග හැරෙනවා. අපි කරන්න ඕනේ කණගාටුදායක හැඟීම් අමතක කරලා ප්‍රීතිය සොයා ගන්න උත්සාහ කිරීම.
• ගොවිපළේ වැඩ කරන අතරෙ බැටළු පැටවෙකු ලැබෙන දර්ශනය ඇත්තටම සිදු කළාද?
ඔව්. අපි වැඩ පටන් ගන්න මාස හයකට කලින් මම කීප දෙනෙක් එක්ක ඕක්නි දූපත් වල ගොවිපළට ගියා පාන්දර 4:30 ට බැටළුවො 50 ක් විතර ඉන්න බැටළු ගාලකට ගිය අපි පැටවෙක් බිහිවන හැටි බලාගෙන හිටියා . ඔයා දන්නවද ඒක ගැහැණියකගෙ දරු ප්‍රසූතියට ගොඩක් සමානයි. ලේ වැගිරීම්, ශ්ලේෂ්මල ඒ දේවල් එක්ක බලාගෙන ඉන්නත් අමාරුයි. ඒත් මම එයට ආදරේ කරා. ඩෙමී මුවර් කිව්වා එයාටත් එහෙම දැනෙනව කියලා. රූගත කිරීම් ඉවර වුණාම මගේ අත්වල ගොඩක් දේවල් ගෑවිලා තිබුණා. ලේ. බැටළු පැටව් හත් දෙනෙක් බිහිවෙන තැන මම හිටියා. අන්තිමේ හැමෝම මට කිව්වා මම එයාලගෙ අම්මා කියලා.
• ඊට පස්සෙ ඔයා Blitz චිත්‍රපටයෙ රඟපෑවා?
The Outrun චිත්‍රපටයෙ වැඩ ඉවර කරලා සති හයකට පස්සෙ වගේ. එක චිත්‍රපටයක් ඉවර කෙරුව ගමන්ම තවත් එකකට යන එක අමාරුයි. ඒත් Blitz එකේ දි The Outrun වල වගේ ලොකූ වගකීමක් දරන්න වුණේ නැහැ.
• Blitz චිත්‍රපටයෙ ඔයා ගායනා කරන දර්ශනයක් තියෙනවා
ගායනය මට ටිකක් අසීරුයි. නමුත් මම කටහඬ නියම ලෙස පාවිච්චි කරන හැටි සහ වාදනය ඉගෙන ගත්තා. මම ඒකට කැමතියි.
• ඔයා කැමතිම රියැලිටි වැඩසටහනක් තියෙනවද?
Married at first sight: Australia
