Pride of the Nation Award 2025 – ලංකාවේ විවිධ ක්ෂේත්‍රයන්හි කුසලතා දැක්වූ විශිෂ්ටයින් 40 දෙනෙකු අගයමින්, First Light සංවිධානය මඟින් පසුගිය පෙබරවාරි 9 වෙනිදා, බණ්ඩාරනායක සම්මන්ත්‍රණ ශාලාවේදී පැවැත්වූ සම්මාන උළෙලේදී, කාන්තා පුවත්පත් කලාවට කරන්නාවූ මෙහෙවර අගයමින් යෙහෙළී ප්‍රධාන කර්තෘ ජ්‍යොෂ්ඨ මාධ්‍යවේදී ගාමිණී සමරසිංහට ජාතියේ අභිමානි සම්මානය හිමිව තිබේ.
සරසවිය, තරුණී, දියණී, දියණිය වැනි කාන්තා හා කලා පුවත්පත් රැසක ප්‍රධාන කර්තෘ ධුරය දැරූ ඔහු, මේ වන විට මව්බිම පුවත්පත් ආයතනය විසින් ප්‍රකාශයට පත්කරන “යෙහෙළී” කාන්තා පුවත්පතේ සහ දිනපතා මව්බිම පුවත්පතේ “යං” අතිරේකයෙහි ප්‍රධාන කර්තෘවරයා ය. සාම්ප්‍රදායික වට්ටෝරු පත්තර කලාවෙන් ඔබ්බට ගොස් නුතනත්වය සහ තාරුණ්‍යය සමඟ අත්වැල් බැඳගනිමින්, යොවුන් හා කාන්තා පත්තර කලාවේ නව මං සොයා යන ඒ සොඳුරු පුවත්පත් කලාවේදියාට තුලන Mag අපගේ හෘදයාංගම සුබ පැතුම් එක කරන්නෙමු.
