බිත්තර අතිරික්තයක් තියනවා දවසට එක ගානෙ කන්න
රටක් විදියට ඉස්සරහට යනකොට බිත්තරය කියන එක වැදගත් බවත් බිත්තර ලක්ශ 15 ක විතර අතිරික්තයක් ඇති බැවින් දවසකට අවම එක බිත්තරක්වත් පරිභෝජනයට ගැනීම පෝෂ්‍යදායක බවත් එසේ කොට බිත්තර අතිරික්තයක් ඇති වූයේනම් සතුටු විය හැකි බවත් කෘෂිකර්ම හා පශු සම්පත් නියෝජ්‍ය අමාත්‍ය නාමල් කරුණාරත්න පවසයි. ඔහු මෙසේ සඳහන් කළේ මාදිවෙල සමනල හෝටලයේදී, ලෝක බිත්තර දිනයට සමගාමිව පැවති පෝෂණ ගුණය පිළිබඳ දැනුවත් කිරිමේ වැඩසටහනට එක් වෙමිනි.
තව දුරටත් අදහස් දැක්වූ අමාත්‍යවරයා ආර්ථිකය කඩා වැටුණු කොරෝනා කාලයේදි බිත්තරයක් රුපියල් 90කට වැඩි වු බවත් 2016 දී ඒක පුද්ගල බිත්තර පරිභෝජනය 112 වූ බවත් පැවසිය. බිත්තර සම්බන්ධව වැරදි ආකල්ප ඇති බවත් ගැබිණි මව්වරු පව් සිද්ධ වේ යැයි බියෙන් බිත්තර කෑම අදිමදි කරන නමුත් ඒ බිත්තර වල ජීවයක් නොමැති බැවින් කෑමෙන් පව් සිදු නොවන බවත් වැඩිදුරටත් සඳහන් කර සිටියේය.
✍️ හේමන්ත වික්‍රමපාල විසිනි.
