Police බැලුම් පුම්බන්න බෑ කියා මොබයිල් එකෙන් සැරයන්ගේ ඔලුවට ගහලා

Police – ත්‍රී රෝද රථ රියදුරෙකු බීමතින් සිටි බවට අනාවරණය වීමෙන් පසු ඔහු සැකපිට අත්අඩංගුවට ගෙන මැදවච්චිය පොලිස් ස්ථානයේ රථ වාහන අංශය වෙත රැගෙන විත්, ශ්වසන පරීක්ෂාව සිදු කිරීමට යෑමේදී එයට බාධා කරමින් කලහකාරී ලෙස හැසිරී ඇති සැකකරු, සිය ජංගම දුරකතනයෙන් පොලිස් සැරයන්වරයාගේ හිසට පහරදී ඇතැයි මැදවච්චිය පොලිසිය පවසයි. සැකකාර රියදුරු අත්අඩංගුවට ගෙන ඇත්තේ මැදවච්චිය පොලිසියේ කණ්ඩායමක් ඊයේ [ජූනි 18] රාත්‍රියේ මැදවච්චිය රෝහල ඉදිරිපිට රථ වාහන රාජකාරියේ නිරත වෙමින් සිටියදී බවත්, පහර කෑමෙන් තුවාල ලැබූ සැරයන්වරයා මැදවච්චිය රෝහලට ඇතුළත් කර ඇතැයිද පැවසේ.