Liquor – ශ්‍රී ලංකාව තුළ නිෂ්පාදනය කෙරෙන සියලුම මත්පැන් බෝතල් වල හා කෑන් වල නිෂ්පාදිත දිනය ඇතුළත් කිරීම අද (අප්‍රේල් 01 වෙනිදා) සිට අනිවාර්යය බව සුරාබදු දෙපාර්තමේන්තුව දැනුම්දෙයි. ඒ අනුව, සියලු මත්පැන් නිෂ්පාදනයන්හි නිෂ්පාදිත දිනය බෝතලයේ මෝඩියට පහළින් හා අලවන ලද ලේබලයට ඉහළින් මුද්‍රණය කළ යුතු බවත් එහි සඳහන් වේ.
මත්පැන් අලෙවිසල් සහ ආපනශාලා සඳහා මිලදීගන්නා සියලුම මත්පැන් බෝතල් සහ කෑන්වල නිෂ්පාදීත දිනය මුද්‍රණය කර තිබීම අනිවාර්ය වේ. එමෙන්ම මත්පැන් අලවිසල් සහ ආපනශාලාවලට මිලදී ගෙන ඇති නිෂ්පාදිත දිනය නොමැති මත්පැන් තොග සහිත විස්තර 2025.04.03 වෙනි දිනට පෙර නියෝජ්‍ය සුරාබදු කොමසාරිස් වෙත පිටපතක්ද සහිතව ප්‍රාදේශීය සුරාබදු අධිකාරිවරයා වෙත භාරදිය යුතු බවද චක්‍රලේඛයක් මගින් මත්පැන් බලධාරීන්ට දැනුම් දී ඇති බවද සඳහන් වේ. නිෂ්පාදි දිනය රහිත මත්පැන් තොග පිළිබඳ සතිපතා ඉහත පරිදි දැනුම් දිය යුතු බවත් එම තොග අවසන් වූ වහාම ඒ බව දැනුම් දිය යුතු බවත් චක්‍රලේඛයේ වැඩිදුරටත් දන්වා ඇති බව බවද සදහන්.
