Imaginary of mind හිතට හුරු හිතළු

Imaginary of mind

ඇස් දෙකක් දකින්නේ ඇහැට හුරු තාලෙකට
හිත් වුණත් බැඳෙන්නේ හිත නෑර ඉන්නකොට
දුක වුණත් දැනෙන්නේ දුක පුරුදු හිතකට
මත් බවක් කියන්නේ හරි පුදුම රහකට..

හිස්කමත් පිරෙන්නේ ඉඩ තියන තැනකට
දොස්,පරොස් තියන්නේ අපි කැමති කෙනෙකුට
ලස්සනක් තියෙන්නේ අපි ඒක විඳිනකොට
ඇස්වහත් වදින්නේ ඒ ගැනම හිතනකොට…

උස් හඬක් නැඟෙන්නේ හිත හුඟක් බිඳෙනකොට
හිත් වුණත් නිවෙන්නේ ඉඳහිටක අඬනකොට
හව්හරණ ලැබෙන්නේ රැකගන්න කෙනෙකුට
ඔව්! උරහිසක් කියන්නේ හිත හදන තැනකට….