Honey Don’t – ගැහැණුකමට උරුම වුණ පොදු ලක්ෂණ ටිකක් තියෙනවා. මේවගෙන් සමහර දේවල් හොඳ ගතිගුණ. සමහර ඒවා දුර්වලතා. ඒ ඔක්කොම ගැහැණු ගති. මේ ලක්ෂණවලට වෘත්තිය, අධ්යාපන මට්ටම වගේ දේවල් බලපාන්නෙ නැහැ. දැන දැන ම හෝ නොදැන උගුල්වල අහුවෙන එකත් මේ ලක්ෂණ වලින් එකක්.
හනී කියන්නෙ කැලිෆෝනියාවල ජීවත්වුණ තරුණ රහස් පරීක්ෂකවරියක්. ප්රදේශයේ සිදුවුණ මාරාන්තික රිය අනතුරක් පිළිබඳ පරීක්ෂණ මෙහෙයවීම ඇයට භාර වෙනව. අනතුරෙන් මිය ගිය යුවතියගේ මරණය සම්බන්ධ කාරණා, ඇගේ මේ පරීක්ෂණයත් ඒ හා බැඳුණ අනිත් අයගේ කතන්දර එක්ක තමයි කතාව ගලා යන්නෙ. අපරාධ, වංචා, ජාවාරම් මිනීමැරුම් දේවදූතයන්ගෙ වේශයෙන් ඉන්න ප්රදේශයක්. අපරාධකරුවන් බහුල ඒ ප්රදේශයට ඒවා සාමාන්ය වෙලා තිබුණා. ඔය අතරෙ හනීට ප්රේමවන්තියක් හමුවුණා. මේ පෙම්වතිය මොන වගේ කෙනෙක් වෙන්න පුළුවන්ද?
අපි ගාව තියෙන ලොකුම දුර්වලකම්වලින් එකක් තමයි සමීපතමයන් පමණට වඩා විශ්වාස කරන එක. අපි ගැන හොඳින්ම දන්න කෙනෙක්ට ඒ කියන්නෙ සමීපතමයෙක්ට අපිව නරකම විදිහට “පාවිච්චි” කරන්න පුළුවන්. සමහරවෙලාවට අපිට ඒ උගුල්වලින් බේරෙන්න පුළුවන් වාසනාව තිබුණොත් විතරමයි. මොකද අපි ඒ තරමට අහුවෙලා නිසා.
“රෑ වැටුණ වලේ දවල් වැටීම” කියන්නෙ කරදරයකින් බේරිලා ආයෙමත් ඒ වගේම කරදරයක් දාගන්න එකට . ඒකට මෝඩකම කියන්නත් පුළුවන්. ගැහැණුකම කිව්වත් වරදක් නෑ.
