Flood – අයහපත් කාලගුණ තත්වයන් හේතුවෙන් සිදුවූ අනතුරුවලදී මියගිය එක් පුද්ගලයෙකු වෙනුවෙන් රුපියල් දෙලක්ෂ පනස්දහසක වන්දියක් ලබා දෙන බව ආපදා කළමනාකරණ මධ්‍යස්ථානයේ අධ්‍යාපන සහ මහජන දැනුවත් කිරීමේ අංශයේ අධ්‍යක්ෂ ප්‍රදීප් කොඩිප්පිලි පවසයි. මීට අමතරව නිවාස පිරිසිදු කර ගැනීම සඳහා රුපියල් දසදහසක අත්තිකාරම් මුදලක්ද ලබාදීමට තීරණය කර ඇති බව ඔහු සඳහන් කරයි.
ග්‍රාම නිලධාරි, ප්‍රාදේශීය ලේකම්, තාක්ෂණික නිලධාරීන්ගේ තක්සේරු වාර්තා අනුව නිවාස හානි වීම් සඳහා වන්දි ලබාදෙන අතර නිවාස හානිවීම් සඳහා වන්දි ලබාදීමේදී ගතවන කාලය, නිවාස ප්‍රමාණය සහ තක්සේරු වාර්තා ලැබීමට යන කාලය මත තීරණය වන බව අවධාරණය කරන හෙතෙම කඳවුරුවල රැඳී සිටින ජනතාවට පිසූ ආහාර ලබාදෙන බවත් ගංවතුරට කොටුව සිටින පවුල් සඳහා වියළි ආහාර ලබා දෙන බවද අධ්‍යක්ෂවරයා වැඩිදුරටත් සඳහන් කර තිබේ.
