CID – පාර්ලිමේන්තුව අත්පත් කර ගෙන රජය පෙරළීම ගැන සමුළුවකදී කළ ප්රකාශයක් සම්බන්ධයෙන්, ජාතික ජන බලවේගයේ විධායක සභික කේ.ඩී ලාල්කාන්තට එරෙහිව, සමඟි ජන බලවේගයේ නියෝජ්ය නීති ලේකම් නීතිඥ රජිත ලක්මාල් විසින් අපරාධ පරීක්ෂණ දෙපාර්තමේන්තුවට පැමිණිල්ලක් ගොනු කර තිබේ. ලාල්කාන්ත තමා විසින්ම සිදුකළ මෙම ප්රකාශය දණ්ඩ නීති සංග්රහයේ 6 වන පරිච්ඡේදයේ 114 වන වගන්තිය යටතේ රාජ්ය විරෝධී කුමන්ත්රණ කිරීමේ වරදක් බව නීතිඥ රජිත ලක්මාල් පවසයි.
මාධ්ය හමුවකදී ඒ පිළිබඳව අදහස් දැක්වූ නීතිඥවරයා, අරගල සමයේ තම දේශපාලන කණ්ඩායමද ඒ වෙනුවෙන් පෙනී සිටි නමුත්, එය සිදුකරනු ලැබුවේ රජය පෙරළීම හෝ අත්පත් කරගැනීමකින් තොර සාමකාමී අරගලයක් ලෙස බවත්, දණ්ඩ නීති සංග්රහයේ රාජ්ය විරෝධී කුමන්ත්රණ වරදට ඇති දඬුවම වන්නේ මරණීය දණ්ඩනය බවත් වැඩිදුරට ත් සඳහන් කළේ ය.
