Chicago – ටොනේඩෝ කුණාටු මාලාවක් හේතුවෙන් Chicago නගරය වසා දමා තිබෙනවා.පසුගිය බදාදා රාත්‍රියේ(ජුලි 12) ඇතිවූ මෙම තත්වය හේතුවෙන් නගරය වසා දමා ඇති අතර ගුවන් ගමන් අවලංගු කිරීම නිසා දහස් ගණනක් ජනතාව O’Hare ගුවන් තොටුපළේ රැඳී සිටින බැව් වාර්තාවෙනවා.
ජාතික කාලගුණ සේවය රාත්‍රී 7:30 ට පමණ මෙම තත්වය පිළිබඳව අනතුරු අඟවා තිබෙන අතර අනතුරු ඇඟවීමේ සයිරන් නිකුත් කර තිබේ.ගිගුරුම් සහිත වැසි සමගින් අවම වශයෙන් ටොනේඩෝ කුණාටු අටක් පමණ ඇතිව තිබෙනවා. Cook County, Illinois ප්‍රාන්තවලට මෙම තත්වය බලපා තිබෙනවා.ගොඩනැගිලි කඩා වැටීම්,ගස් කඩා වැටීම් සහ නිවාස හානි සිදුවී තිබේ.තුවාල සිදුවීම් හෝ මරණ වාර්තා වී නොමැත.
– Hindustan Times ඇසුරෙනි –
