British – 2019 පෙබරවාරි මාසයේදී ඉදිරිපත් කරන ලද පොලිස් අභියාචනයකට අනුව, Alex Batty නම් බ්රිතාන්ය ජාතික පිරිමි දරුවා 2017 වසරේදී ඔහුගේ නීත්යානුකූල මාපිය භාරකාරත්වය නොතිබූ මව සහ සීයා සමඟ ස්පාඤ්ඤයට නිවාඩුවක් ගත කිරීම සඳහා ගොස් සිටියදී අතුරුදන්ව තිබේ. එවකට 11 වන වියෙහි පසුවූ මේ පිරිමි දරුවා වසර හයකට පසුව නිරිතදිග ප්රංශයේ, Toulouse නගරයට ආසන්න Haute-Garonne ප්රදේශයෙන් සොයා ගත් බව ප්රාදේශීය බලධාරීන්ගේ ප්රකාශකයෙකු ඊයේ [14 වෙනි බ්රහස්පතින්දා] CNN පුවත් සේවය වෙත පවසා තිබිණි.
CNN හි අනුබද්ධ BFMTV වාර්තා කළේ පවුල විසින් යෞවනයාගේ අනන්යතාවය තහවුරු කර ඇති බවත්, ඔහු ඉක්මනින්ම එංගලන්තයට පැමිණීමට නියමිත බවත්ය. ඔහුගේ නීත්යානුකූල භාරකරු වන ආච්චි, Susan Caruana එක්සත් රාජධානියේ The Sun පුවත්පතට පවසා තිබුණේ, “මට හරිම සතුටක් වගේම කම්පනයක් දැනෙනවා. මම ඔහුට කතා කරා. ඔහු ප්රංශයේ බලධාරීන් සමඟ හොඳින් ඉන්නවා” යනුවෙනි. Oldham හි නිලධාරීන් “වාර්තාවේ සත්යතාව” තහවුරු කිරීම සඳහා ප්රංශ බලධාරීන් සමඟ සම්බන්ධ වී සිටින අතර බ්රිතාන්යයේ Greater Manchester පොලිසියේ ප්රකාශකයෙකු සඳහන් කළේ, “මෙය සංකීර්ණ හා දිගුකාලීන පරීක්ෂණයක් වන අතර, වැඩිදුර විමසීම් මෙන්ම සුදුසු ආරක්ෂක පියවරයන් ක්රියාත්මක කළ යුතු” බවයි.
-CNN News ඇසුරෙනි- by Maya Szaniecki, Joseph Ataman, Caitlin Danaher and Alex Hardie.
Image Source: Greater Manchester Police
