Accident – අක්කරෙයිපත්තුව – පොතුවිල්, A4 ප්‍රධාන මාර්ගයේ සිදු වූ රිය අනතුරකින් සිඟිති දැරියක් මියගොස් තිබෙනවා. අක්කරෙයිපත්තුව – පොතුවිල් මාර්ගයේ, තාන්ඩියඩි ප්‍රදේශයේදී අක්කරපත්තුව දෙස සිට පොතුවිල් දෙසට ධාවනය වූ කාර් රථයක් මාර්ගයේ සිටි ගවයෙකුගේ ගැටී ඊයේ (23) පස්වරුවේ මෙම අනතුර සිදුව ඇති බවයි සඳහන් වෙන්නේ.
අනතුර වූ අවස්ථාවේ කාර් රථයේ රියදුරු හා ඔහුගේ බිරිඳ සමග මාස 09ක් වූ සිඟිති දැරිය සිට ඇති අතර, දැරිය අනතුරින් තුවාල ලබා තිරුක්කෝවිල් රෝහලට ඇතුලත් කළ බවත්, පසුව වැඩිදුර ප්‍රතිකාර සඳහා අක්කරපත්තුව රෝහලට ඇතුලත් කර ප්‍රතිකාර ලබමින් සිටියදී මෙලෙස මියගොස් තිබෙන බවයි වැඩිදුරටත් සඳහන් වන්නේ.
