Mia Goth – නිරූපිකාවක් ලෙසින් සිනමාවට පිවිසි ඇය බොහෝවිට දක්නට ලැබුනේ ත්රාසජනක චිත්රපට තුළින්. X චිත්රපට මාලාව ඇයට විශාල ප්රේක්ෂක ආකර්ෂණයක් හිමි කර දුන්නා. Mia Goth මීළඟට Christopher Nolan ගේ Odyssey චිත්රපටයෙන් සග Guillermo Del Toro ගේ Frankenstein චිත්රපටයෙන් ප්රේක්ෂකයන් හමුවට එනු ඇත.
• X චිත්රපට මාලාව කාල පරිච්ඡේද තුනකට අයත්. 1970,1980 සහ 1920. ඔයා ආසම මොන කාලයටද?
1920 ට. Pearl ගෙ චරිතයට කැමතියි. රූගත කිරීම්වලින් ආසම අත්දැකීමක් තමයි ඒ.
• අපි අවසාන වතාවට කතාකළ වෙලාවෙ ඔයා කිව්ව ත්රාසජනක චිත්රපටවලට ඔයා ඒ තරම් කැමති නැහැ කියලා. ඒක තවමත් එහෙමද?
අමතක නොවෙන රඟපෑම් තියෙන ත්රාසජනක කතාවලට මම ඇත්තටම කැමතියි. The Shining චිත්රපටයේ Shelly Duvall, Carrie චිත්රපටයේ Sissy Spacek, Rosmary’s Baby චිත්රපටයේ Mia Farrow වගේ. නමුත් අද කාලේ ඒ වගේ රඟපෑම් එච්චර අගය කරන්නෙ නැහැ. මම දන්නෑ ඒ ඇයි කියලා. මොකද ඒවා අපූරුම රංගනයන්.
• ඔබේ මුල්ම ත්රාසජනක චිත්රපටය Suspiria. ඔබ එයට කැමති වුණාද?
අනිවාර්යයෙන්ම. මම එයට ආදරේ වුණා. ඒක හරිම fun!
• Guillermo Del Toro එක්ක වැඩ කිරීම මොනවගේ අත්දැකීමක්ද?
එය විශිෂ්ට අත්දැකීමක්. අපි ටොරෙන්ටෝ වලින් පටන් අරන් ස්කොට්ලන්තයට, එංගලන්තයට, මාලිගාවල, කඳු මුදුන්වල රූගත කිරීම් කළා. මට ඕන හැම අත්දැකීමක්ම එය තුළ තිබුණා. මම කවදාවත් විධිමත්ව රංගනය හදාරලා නෑ. නාට්ය පාසලකට ගිහින් නෑ. ඒ නිසා මේක වටිනා අත්දැකීමක් වුණා. සැබෑම ඉගැනීමක්. එය මට ලොකු දැනුමක් ලබා දුන්නා.
• ඔයාව තරහ ගස්සන අනිත් අයගෙ හැසිරීම් මොනවද?
ගෙදරකට ඇතුල්වෙනවනම් අනිවාර්යයෙන් සපත්තු ගලවලා යන්න. මොකද ඔයා පොදු ස්ථානවල, දුම්රිය නැවතුම්, වැසිකිළි, වීදියේ පය තියලා ඒ සපත්තු එක්ක ගෙයක් ඇතුළට එන එක නරක පුරුද්දක්.
•කැමතිම රියැලිටි වැඩසටහන?
The Great British Bake Off. මම ඒකට ගොඩාක් කැමතියි. මම ලොස් ඇන්ජලීස්වල ජීවත්වෙන නිසා ඒ වැඩසටහන බලනකොට මට නිතරම ලන්ඩන්වල මගේ ගෙදර මතක් වෙනවා. එය උණුසුම් වැළඳගැනීමක් වගේ අත්දැකීමක්. මම කෑම හදන්න ඉගෙන ගන්නවා. එයාල හදන දේවල් කලා කෘති වගේ. පළමු වතාවට මම Apple Crumble එකක් හැදුවා. හොඳටම ආවෙ නැහැ. ඒත් ඒක හොඳට තිබුණා.
• ඔයා ඔයාගෙ දුවට මොන වගේ ෆිල්ම්ද පෙන්නන්නෙ?
එයා ජුරාසික් පාක් එකට ආදරෙයි. බය හිතෙන ෆිල්ම් බලන්නත් එයා කැමතියි. එයා කියනව “ඇත්තටම බය හිතෙන එකක් ඕනෙ අම්මා” කියලා.
