Air India Plane Crash – ඉන්දියාවේ අහමදාබාද් හිදී අනතුරට පත් වූ එයාර් ඉන්දියා ගුවන් යානයේ මගීන් 242 අතුරින් 241 දෙනෙක්ම මිය ගොස් තිබෙන අතර දිවි ගලවා ගැනීමට සමත්ව තිබෙන්නේ එක් අයෙක් පමණයි. ඔහු ඉන්දියානු සම්භවයක් ඇති බ්‍රිතාන්‍ය ජාතිකයෙක් වන Ramesh Kumar. අනතුර සිදුවූ අවස්ථාවේ වීඩියෝ දර්ශනවල ඔහු ඇවිදගෙන යනු දක්නට ලැබුණා. ඔහුගේ තත්වය අසාධ්‍ය නොවන බැව් වෛද්‍යවරුන් පවසා සිටිනවා. රෝහල් සම්මුඛ සාකච්ඡාවකදී අදහස් දැක්වූ රමේෂ් පවසා සිටියේ යානය ගුවන් ගතවී තත්පර කිහිපයකට පසු විශාල ශබ්දයක් ඇතිවූ බව සහ යානය කඩා වැටුන බවත් සියල්ල විනාශ වීමට ඉතාම සුළු කාලයක් ගත වූ බවත් ය.
• Pratik Joshi පවුල
රාජස්ථානයේ Pratik Joshi මෘදුකාංග වෘත්තිකයෙකු ලෙස වසර හයක් ලන්ඩනයේ සේවය කළේ තම බිරිය සහ දරුවන් සමග එහි පදිංචි වීමේ බලාපොරොත්තු සහිතවයි. සියල්ල සම්පූර්ණ කරගත් පසු ඔහු සහ ඔහුගේ බිරිඳ Komi Vyas දරුවන් තිදෙනා සමගින් සිය අළුත් ජීවිතය බලා ලන්ඩනය වෙත පියාසර කිරීමට සූදානම් වුවත් සිදුවූ අනතුර ඔවුන් සියළු දෙනාගේම ජීවිත අහිමි කළා.
• Nanabawa පවුල
Akhil Nanabawa සහ Hann Voraj ඉන්දීය සම්භවයක් සහිත බ්‍රිතාන්‍ය ජාතිකයන්. ඔවුන් දෙදෙනා සහ ඔවුන්ගේ සිව් හැවිරිදි දියණියද අනතුරෙන් මිය ගියා. මේ යුවළ ගාසාතීරයේ අසරණ ජනතාව වෙනුවෙන් ආධාර ලබා දුන් බව පැවසෙනවා.
• Ngan Thoi Sharma
අනතුරෙන් මිය ගිය විසි හැවිරිදි Nganthoi Sharma එයාර් ඉන්දියා කාර්යමණ්ඩලයේ අයෙක්. (ගුවන් සේවිකාවක්)
