Bipasha Basu පසුගියදා තම විවාහ ජීවිතය පිළිබඳව අදහස් දක්වා සිටියා. Pinkvilla සමග පැවති සම්මුඛ සාකච්ඡාවකදී ඇය Karan Singh Grover සමග පැවති සම්බන්ධය තම දෙමව්පියන්ට පැවසූ ආකාරය විස්තර කළා. අසාර්ථක විවාහයක් යනු පුද්ගලයෙකුගේ අසාර්ථක බව තීරණය කරන දෙයක් නොවන බවත් ඔවුන් දෙදෙනාගේ සම්බන්ධය ශක්තිමත් එකක් බවත් ඇය දෙමව්පියන්ට පවසා තිබුණා. ඒ සඳහා තම අතීත සම්බන්ධතා වලින් උදාහරණ දීමට සිදු වූ බවත් ඇය පවසා සිටියා. සෑම දෙයක්ම සිදුවන්නේ හේතුවක් සහිතව බව ඇය පැවසුවා.
බිපාෂා සමග විවාහයට පෙර කරන් සිං ග්‍රෝවර් දෙවතාවක්ම විවාහ වී තිබේ. එමෙන්ම බිපාෂා බොලිවුඩ් නළුවන් වූ Dino Morea සහ John Abraham සමගින් පෙම් සබඳතා පැවැත්වූවා. කරන් සහ බිපාෂා මුල්වරට මුණගැසුනේ Alone චිත්‍රපටයේ රූගත කිරීම් අතරතුරයි. 2016 දි ඔවුන් විවාහ වුණා. බොලිවුඩයේ වඩාත්ම ආදරණීය පවුල් ජීවිතයක් ගෙවන යුවළක් ලෙසින් ඔවුන්ව හැඳින්වෙනවා.
– Times Of India ඇසුරිනි –
