A supermarket – බුලත්සිංහල නගරයේ වෙළඳසැලක් කොල්ල කා පලායමින් සිටි පුද්ගලයින් දෙදෙනෙකු අත්අඩංගුවට ගෙන තිබෙනවා.
අද (07) අලුයම 1.00 පමණ බුලත්සිංහල සිට යාල හන්දිය හරහා කළුතර දෙසට අධික වේගයෙන් පැමිණි යතුරුපැදියක් අණ නොතකා ගමන් කර ඇති අතර, එහිදී එය මාර්ග බාධක යොදා එය නතර කිරීමට උත්සාහ කර තිබෙනවා.
ඒ සමග පසුපැදිකරු අත තිබූ බෑගයක් සහ මුදල් බිමට වැටී ඇති අතර, සැකකරුවන්ගෙන් ප්‍රශ්න කිරීමේදී ඔවුන් බුලත්සිංහල නගරයේ වෙළඳසැලක් කොල්ල කා පලායමින් සිටින බවට තොරතුරු හෙළිව තිබෙනවා.
මෙම සැකකරුවන් වයස අවුරුදු 20-22 අතර වයස්වල පසුවන තරුණයින් වන අතර, ඔවුන් අද අධිකරණයට ඉදිරිපත් කිරීමට නියමිතයි.
