illegally registered vehicles – රේගුවේ නිශ්කාෂනය නොවී, මෝටර් රථ ප්‍රවාහන දෙපාර්තමේන්තුවේ ලියාපදිංචි කරමින් දූෂණ අක්‍රමිකතා සිදුකිරීම සම්බන්ධ චෝදනා යටතේ වාහන 12ක් අල්ලස් කොමිසම භාරයට ගෙන තිබෙනවා.
ඒ අනුව ජීප් රථයක්, මිට්ෂුබිසී මොන්ටේරෝ ජීප් 06ක්, ටොයෝටා ජීප් රථ 03ක්, ලෑන්ඩ් කෘෂර් ප්‍රාඩෝ ජීප් රථ 01 සහ නිසාන් ඩබල් කැබ් රථයක් මෙලෙස කොමිෂන් භාරයට ගෙන තිබෙන බවයි සඳහන් වන්නේ.
මෙම දූෂණ අක්‍රමිකතාවයන් සිදු වූ ආකාරය සහ එයින් රජයට ඇති වූ අලාභය පිළිබඳව විද්‍යාත්මක හා තාක්ෂණික ක්‍රමවේද ඔස්සේ මේ වන විටත් කොමිෂන් සභාව විසින් පරීක්ෂණ මෙහෙයවමින් පවතින බව එම කොමිසම පවසනවා.
මීට පෙරද රුපියල් 597,189,323ක අලාභයක් රජයට සිදු කරමින්, අනීතිකව ලියාපදිංචි කළ වාහන 15ක් කොමිෂන් සභාව භාරයට ගෙන ඉදිරි පරීක්ෂණ සඳහා රේගුව වෙත භාරදී ඇති බවයි අල්ලස් කොමිසම වැඩිදුරටත් නිවේදනය කර සිටින්නේ.
