The President’s recent statement regarding judges had a direct impact on the judiciary
🔴ජනාධිපතිවරයා විනිසුරුවරුන් සම්බන්ධයෙන් පසුගියදා සිදුකළ ප්‍රකාශය අධිකරණයට කරන ලද සෘජු බලපෑමක් බව පිවිතුරු හෙළ උරුමයේ නායක හිටපු පාර්ලිමේන්තු මන්ත්‍රී උදය ගම්මන්පිල පවසනවා.
ඒ අනුව පසුගියදා විනිසුරුවරුන් දෙදෙනෙක් නඩුවකින් ඉවත් වූයේ මාලිමා පාක්ෂිකයින් විසින් එම විනිසුරුවරුන්ගේ අපක්ෂපාතීත්වය සමාජ මාධ්‍ය ඔස්සේ ප්‍රශ්න කිරීමට ලක්කළ නිසා බවයි අද (31) පැවති මාධ්‍ය හමුවකට එක්වෙමින් හිටපු මන්ත්‍රීවරයා සඳහන් කළේ.
ජනාධිපතිවරයා කළ යුතු වන්නේ විනිසුරුවරුන් විවේචනය කිරීම නොව, තම පාක්ෂිකයින්ගේ විනය හදා ගැනීම බව මන්ත්‍රීවරයා ප්‍රකාශ කළා.
ජනාධිපතිවරයා මෙලෙස විනිසුරුවරුන් ප්‍රසිද්ධියේ විවේචනයට ලක් කිරීම අධිකරණයට කරන ලද සෘජු බලපෑමක් බවයි උදය ගම්මන්පිල වැඩිදුරටත් ප්‍රකාශ කර සිටින්නේ.
