Top 100 2024 – කාන්තා පුවත්පත් කලාවේ ආකෘතිමය වෙනසක් ඇතිකරමින්, ජ්‍යෙෂ්ඨ පුවත්පත් කලාවේදී ගාමිණි සමරසිංහ සංස්කරණය කළ, සිලෝන් නිව්ස් පේපර්ස් (මව්බිම) ආයතනය විසින් ප්‍රකාශයට පත් කරන ලද “යෙහෙළී” කාන්තා පුවත්පත, Top 100 සම්මාන උළෙලේදී 2024 වසරේ ජනප්‍රියම කාන්තා පුවත්පත ලෙසින් සම්මානයට පාත්‍රව තිබේ.
අතිශය පාඨක ජනාදරයට පත්වූ “සරසවිය” කලා පුවත්පතේ සහ “තරුණී”, “දියණිය” වැනි කාන්තා පුවත්පත් වල ප්‍රධාන කර්තෘ ධුරය හෙබවූ ගාමිණි සමරසිංහ, මව්බිම පුවත්පත් ආයතනයේ දිනපතා මව්බිම පුවත්පතෙහි “යං” අතිරේකයෙහි ද ප්‍රධාන කර්තෘවරයා ය. මාස හයක් තරම් ඉතා කෙටි කාල සීමාවකදී “යෙහෙළී” මෙලෙස සම්මානනීය වීම, පුවත්පතක අන්තර්ගතය සහ එහි ආකර්ෂණිය නිමාව නිතැනින්ම පාඨකයාගේ ආදරය දිනාගන්නා බවට කදිම නිදසුනකි. මව්බිම පුවත්පත් ආයතනයට සහ “යෙහෙළී” කණ්ඩායමට “තුලන Mag” වෙතින් උණුසුම් සුබ පැතුම්..!
