Covid 19 – රටවල් බොහොමයක “Covid 19” වයිරසයට එරෙහි ප්‍රතිශක්තිකරණ එන්නත් ලබා ගැනීමේ අඩු ප්‍රවණතාවක් දක්නට ලැබෙන බවත්, එම වෛරසයේ හානිකර තත්වය තරමක් අඩුවී ඇති නමුත්, තවමත් ලොව පුරා එක් සතියකට කොව්ඩ් ආසාදනය වීමෙන් රෝගීන් 1,700 ක පමණ පිරිසක් මියයන බවත් ලෝක සෞඛ්‍ය සංවිධානයේ ප්‍රධානී Tedros Adhanom Ghebreyesus ජිනිවා නුවර පැවැති මාධ්‍ය හමුවකදී ප්‍රකාශ කර තිබේ.
කොවිඩ් 19 තවමත් ලොවට තර්ජනයක් බව පැවසු ලෝක සෞඛ්‍ය සංවිධානයේ ප්‍රධානියා, වයිරසය අඩපණ කිරීමට නම්, ප්‍රතිශක්තිකරණ එන්නත් ලබා ගැනීම අඛණ්ඩව සිදුකරන ලෙස එම මාධ්‍ය හමුවේ දී ලෝ වැසියන්ගෙන් ඉල්ලා සිටියේය. කොවිඩ් 19 වයිරසය අඩපණ කිරීමට නිපදවූ ප්‍රධාන පෙළේ ප්‍රතිශක්තිකරණ එන්නත් දෙකක් වන්නේ “Pfizer” සහ “AstraZeneca” යන එන්නත්ය. ලේ කැටි ගැසීම් සහ තවත් දරුණු ආකාරයේ අතුරු ආබාධ රැසක් ඇතිවන බව අධිරණය හමුවේ “තහවුරු” වීමත් සමඟම මෙම එන්නත් භාවිතය ගැටළුවක් වී තිබේ. ලොව පුරා බෙදා හරින ලද”AstraZeneca” එන්නත් යළි ගෙන්වීමටද එය නිපදවූ සමාගම තීරණය කර ඇතායි වාර්තා වේ.
-විදෙස් පුවත් ඇසුරෙනි-
