Crime – නීති විරෝධී මත්පැන් වැටලීමකට ගිය පොලිස් නිලධාරීන් පිරිසකට සුනඛයන් ලිහා දමා, සපා කෑමට සලස්වා, පහරදී තුවාල සිදුකළ සැකකරුවෙකුට වැටලීම සඳහා ගිය පොලිස් නිලධාරීන් විසින් වෙඩි තබා මෙල්ල කරගෙන ඇතැයි මීතොටමුල්ල, වඩුගොඩවත්ත ප්‍රදේශයෙන් වාර්තා වේ. වැල්ලම්පිටිය පොලීසිය පැවසුයේ එම සිද්ධියෙන් තුවාල ලද පොලිස් සැරයන්වරයෙකු හා සැකකරු ප්‍රතිකාර සඳහා කොළඹ ජාතික රෝහලට ඇතුළත් කර ඇති බවයි.
නිවසක් පරික්ෂා කිරීම සඳහා යෑමේදී එහි පදිංචිව සිටි සැකකරු පොලිස් නිලධාරීන්ට නිවස තුළට ඇතුල්වීමට ඉඩ නොදී සුනඛයන් ලියා දමා සපා කෑමට සලස්වා පොලිස් නිලධාරීන්ට පහරදී තුවාල සිදු කර රාජකාරියට බාධා වන අයුරින් හැසිරී ඇතැයි පොලීසිය සඳහන් කරයි. එම අවස්ථාවේදී පොලිස් සැරයන්වරයෙකු සිය රාජකාරී ගිනි අවියෙන් වෙඩි තැබීමක් සිදුකර ඇති අතර සැකකරුගේ දකුණු පාදයේ යටිපතුලට වෙඩි වැදී තුවාල සිදුව ඇතැයි පැවසේ.
