Idols of love ප්‍රේමයේ පිළිම
ආදරේ අනන්ත විදුලි එළි, අතීතෙදි අපමණ බොඳවෙලා යන්නැති.
ගැවසුනත් සමීපව දැනෙන කාන්සියට හේතුවත් ඒකම වෙන්නැති.
මට හිතෙන හිතළුවක් ලියන්නද..?
රැහැන් විදුලිය සහිත වුව යන්නේ සමාන්තර ගමනක.
ස්පර්ෂ වුණොත් මිස එකටෙක, කාන්දුවක් නොමැතිව විදුලිය.
ආදරෙත් එහෙම හැඟීමක් වෙන්නැති,
එකිනෙකා ගැටුණොත් විසන්ධි වෙන….
පහළ හැම වස්තුවම ඉහළ හිඳ බලද්දී, අඟුටුමිටි හැඩ ගනී.
ළඟට ළංවුණාමත් නියම හැඩතල පෙනී, හිත හිමින් ගැස්සෙතී.
ඔන්නොහේ මේ ටිකත් ලියන්නද..?
ආදරේ අතගගා අඹන්නට මැටි රූපයක් වගේ.
ජීවිතේ මහ හුඟක් මරිමෝඩකම් කෙරේ.
ආදරේ අඹන එක තියෙන්නේ අපි අතේ…
