Dhanushka Gunathilaka – ඕස්ට්‍රේලියාවේ පැවති පසුගිය විස්සයි විස්ස ක්‍රිකට් ලෝක කුසලාන තරඟාවලියට ගොස් සිටියදී කාන්තාවක සමඟ අනවසර ලිංගික එක්වීමක් සිදුකළේය යන චෝදනාව මත ක්‍රිකට් ක්‍රීඩක ධනුෂ්ක ගුණතිලකට එරට අධිකරණයක් මඟින් නඩු පවරා තිබිණි. New South Wales හි දිස්ත්‍රික් උසාවියේ දින හතරක නඩු විභාගයකදී සාක්ෂි ලබා දෙමින් පැමිණිලිකාරිය කියා සිටියේ තමා ආරක්ෂිත ලිංගික එක්වීමකට පමණක් කැමැත්ත පළ කළ බවත්, ක්‍රීඩකයා ලිංගිකව එක්වීමට පෙර කොන්ඩමය පැළඳ සිටි නමුත්, සංසර්ගයෙන් ටික වේලාවකට පසු එය බිම වැටි තිබෙනු තමා දුටු බවත්ය. කෙසේ වෙතත් සිය තීන්දුව ප්‍රකාශයට පත් කරමින් විනිසුරු Sarah Huggett සඳහන් කර තිබුණේ ධනුෂ්ක ගුණතිලකලට එසේ කිරීමට “කිසිදු අවස්ථාවක්” නොතිබූ බවත් පොලිස් ප්‍රශ්න කිරීම් වලදී එය තහවුරු වී ඇති බවත්ය. එබැවින් අනවසර ලිංගික එක්වීමක් සම්බන්ධව ඔහුට තිබු චෝදනාවට ඔහු නිවැරදිකරු බව අධිකරණය තීන්දු කර තිබේ.
-BBC News ඇසුරෙනි- by Tiffanie Turnbull. BBC News, Sydney
Photo Credit: www.epanews.com
