Clarence Avant – “කළු ජාතික සංගීත ලෝකයේ ගෝඩ් ෆාදර්” යන අන්වර්ථ නාමයෙන් හැදින්වුණු Clarence Avant පසුගිය ඉරිදා Los Angeles හිදී අභාවප්‍රාප්ත විය. මිය යන විට ඔහු 92 වෙනි වියෙහි පසු වුයේය. Motown හි හිටපු ප්‍රධානියෙකු වු Bill Withers ගේ සිට Michael Jackson දක්වාද, බිල් ක්ලින්ටන්ගේ සිට බැරක් ඔබාමා දක්වාද වැඩ කර ඇති ඔහු උපදේශකයෙකු සහ කළමණාකරුවෙකු ලෙස අතිශය ජනප්‍රියව සිටියේය. ඔහු ඇමරිකාවේ කළු ජාතිකයින්ට අයත් පළමු ගුවන්විදුලි මධ්‍යස්ථාන වලින් එකක් ආරම්භ කළ පුද්ගලයෙකුද වේ.
දරුවන් දෙදෙනෙකුගේ පියෙකු වූ ඔහුගේ දියණිය නිකොල් වන අතර පුතු ඇලෙක්සැන්ඩර් ය. නිකොල් ඇවන්ට්, බහමාස් හි හිටපු එක්සත් ජනපද තානාපති සහ නෙට්ෆ්ලික්ස් හි ප්‍රධාන විධායක නිලධාරි ටෙඩ් සරන්ඩෝස්ගේ බිරිඳ ය. ඔහුගේ බිරිඳ ජැකලින් අඩු ආදායම්ලාභී පවුල් සඳහා උපකාර කිරීමට තම ජීවිතය කැප කළ ප්‍රමුඛ පෙලේ දානපතිනියකි. 2021 දෙසැම්බර් මාසයේදී නිවසට ඇතුළු වු නන්නාදුනන පුද්ගලයෙකු විසින් ඔහුගේ බිරිඳ මරා දමා තිබිණි.
-BBC ඇසුරෙනි-
