Snake in LPL: ශ්‍රී ලංකාවේ පැවැත්වෙන ලංකා ප්‍රිමියර් ලීග් (LPL) තරඟ අතරතුර සර්පයන් දර්ශනය වීම මේ දින වල සාමාන්‍ය දෙයක් බවට පත්ව තිබේ. පසුගිය LPL ක්‍රීඩා කිහිපයකම ක්‍රීඩා කරන කාලය තුළ සර්පයන් පිට්ටනිය හරහා යන අයුරු තරඟය අවරණය කරන කැමරා වලට හසු වුනා.
ඊයේ (12) ශ්‍රී ලංකා ක්‍රිකට් ක්‍රීඩක ඉසුරු උදාන පන්දු රැකීම කෙරෙහි අවධානය යොමු කරමින් සිටින අතරතුර සර්පයෙකුට ඔහුගේ කකුල් දෙක අසලින් ඇදී ගිය අතර ඉසුරු උදාන එක්වරම බියට පත්වන ආකාරය ජංගම දුරකතනයකින් වීඩියෝ ගත කර තිබුණා .
ඊයේ කොළඹ ආර්.ප්‍රේමදාස ක්‍රීඩාංගණයේ පැවති B-Love Kandy කණ්ඩායම සහ යාපනය KIngs කණ්ඩායම අතර LPL තරඟය අතරතුර මෙම සිදුවීම සිදුවුණා.
LPL සර්ප දසුන් ක්‍රිකට් ක්‍ෂේත්‍රය තුළ කතාබහට ලක්ව ඇති අතර, ඉන්දීය විස්තර විචාරක දිනේෂ් කාර්තික් මෑතකදී ක්‍රීඩාව තාවකාලිකව නතර කළ සිදුවීමක් පිළිබඳව අදහස් දක්වමින් “නාගයින් නැවත පැමිණ ඇත. මම හිතුවේ බංග්ලාදේශයේ කියලා” පවසා තිබුණා.
