Hollywood – වැටුප් වැඩිකිරීම් සම්බන්ධව පැවැත්වූ සාකච්ඡා බිඳ වැටීමෙන් පසුව හොලිවුඩ් රංගන ශිල්පීන්ගේ වැඩ වර්ජනයක් පසුගිය සිකුරාදා පැවැත්වුණා. ඒ එක්සත් ජනපද රංගන ශිල්පීන්ගේ සංගමය සහ Sag – AFTRA (අමෙරිකානු රූපවාහිනී සහ ගුවන්විදුලි කලාකරුවන්ගේ සංගමය) ඒකාබද්ධවයි. රංගන ශිල්පීන් මාස දෙකක පමණ කාලයක සිට Netflix, Warner සහ Paramount හා කටයුතු කිරීමෙන් වැළකී සිටි අතර රංගන ශිල්පීන්,රූපවාහිනී සහ චිත්‍රපට තිර පිටපත් රචකයන් ඇතුළු කලාකරුවන් විරෝධතා සඳහා එක්ව තිබුණා.
මෙම වර්ජනය ලොව පුරාම ශ්‍රමය නියෝජනය කරන එකක් බැව් ටයිටැනික් චිත්‍රපට තරුව Frances Fisher පවසා සිටියා. Paramount චිත්‍රාගාරය අසල පිවිසුම් මාර්ගයේ සිටිමින් ඈ පැවසුවේ මේ වෙනුවෙන් සියල්ලෝම නැගී සිටින බවයි. Allison Janney, Mandy Moore, Ben Schwartz ඇතුළු ලොවපුරා ජනප්‍රිය මුහුණු රැසක් විරෝධතා අතරතුර දක්නට ලැබුණා.
– NDTV ඇසුරෙනි –
