අසනීප සනීප කරන චිකන් නූඩ්ල්ස් සුප් – Chicken Noodle Soup
චිකන් නූඩ්ලස් සුප් කියන්නෙ කවුරුත් කැමති, රස වෑහෙන කෑමක්. ඒ වගේම පෝෂණ ගුණයෙනුත් ඉහළයි. ඩිනර් එකට, වැස්සක් තියෙන වෙලාවක වගේම අසනීප ගතියක් දැනෙන වෙලාවටත් උණු උණුවේ හැදුව චිකන් නූඩ්ල්ස් සුප් එකක් කියන්නෙ අපූරුම දෙයක්. ලේසියෙන්ම චිකන් නූඩ්ලස් සුප් එකක් හදාගන්නෙ කොහොමද කියලා බලමු.
• අවශ්‍ය ද්‍රව්‍ය
චිකන් 100–150 g
නූඩ්ල්ස් පැකට් 1ක්
ලොකු ළුණු ගෙඩියක්
සුදු ළුණු බික් 3–4ක්
කැරට් 1 – 2 ක්
ලීක්ස් ගහක්
බටර් හෝ තෙල් මේස හැඳි 1–2ක්
චිකන් ස්ටොක් හෝ වතුර කෝප්ප 4ක් පමණ
රස අනුව ලුණු
ගම්මිරිස් කුඩු
කැමති එළවළු වර්ග (ගෝවා, බෝංචි)
• සාදන ක්‍රමය
ඉස්සෙල්ලම භාජනයකට වතුර ටිකක් දාලා ඒකට චිකන් එක සහ ලුණු ටිකක් එකතු කරගන්න. චිකන් එක මද ගින්නේ හොඳට තම්බ ගන්න. චිකන් තැම්බුණාට පස්සේ ටිකක් නිවෙන්න තියලා පොඩි කෑලිවලට කපාගන්න. ඊළඟට ළුණු, සුදු ළුණු සහ කැරට්, ලීක්ස් හීනියට කපාගන්න. භාජනයක් ලිපේ තියලා ඒකට බටර් හරි තෙල් ටිකක් හරි දාන්න. බටර් ටික රත් වුණාට පස්සෙ ළුණු සහ සුදු ළුණු එකතු කර මද ගින්දරේ තෙම්පරාදු කරගන්න. ළූණු ටික මෘදු වෙලා සුවඳ එනකොට කැරට් සහ ලීක්ස් එකතු කර තවත් විනාඩි කිහිපයක් තෙම්පරාදු කරගන්න. එළවළු ටික හොඳට තෙම්පරාදු වුණාට පස්සේ චිකන් ස්ටොක් එක එකතු කරන්න. චිකන් ස්ටොක් ප්‍රමාණය මදි වගේ නම් වතුර ටිකක් එකතු කරගන්නත් පුළුවන්.
