වීසා නැතිව සිටි විදේශිකයන් 50ක් අල්ලයි – Immigration and Emigration
වීසා කාලය ඉකුත්ව තිබියදී අනීතිකව මෙරටේ රැඳී සිටි විදේශිකයන් 50 දෙනකු ආගමන විගමන දෙපාර්තමේන්තු විශේෂ විමර්ශන ඒකකයේ නිලධාරීන් පිරිසක් විසින් කොළඹ ,බම්බලපිටිය ප්රදේශයේ පිහිටි මහල් ගොඩනැගිල්ලක් තුළ සැඟවී සිටියදී අත්අඩංගුවට ගෙන තිබේ.
පාලක ජනරාල්වරයාට ලැබී තිබුණු බුද්ධි තොරතුරක් මත මෙම වැටළීම සිදුකොට ඇති අතර අත්අඩංගුවට පත් 50 දෙනා අතුරින් 48 දෙනකුම වියට්නාම ජාතියන් වන අතර ඉතිරි දෙදෙනා චීන ජාතිකයන්ය. එසේම මෙම කණ්ඩායමේ 33 දෙනකු පිරිමි වන අතර ඉතිරි 17 දෙනාම කාන්තාවන්ය. අවුරුදු 20ත් 35ත් අතර වියේ පසුවන මොවුහු කඩිනමින් රටින් පිටුවහල් කිරීමටද නියමිතය.
සිද්ධිය පිළිබද වැඩිදුර විමර්ශන කටයුතු ආගමන විගමන පාළක ජනරාල් චමින්ද පතිරාජගේ උපදෙස් මත, පාලක විමර්ශන සහ මෙහෙයුම් විපුල් කාරියවසම්ගේ අධීක්ෂණය යටතේ, ජ්යෙෂ්ඨ බලලත් නිලධාරී හරිත පාඩියප්පෙරුම මහතා ඇතුළු නිලධාරීන් පිරිසක් විසින් සිදු කර තිබේ .
ධාරා අබේනායක විසිනි.
