මාස 9 ට රට සල්ලි ඩොලර් මිලියන 6,500 පනී
මෙම වසරේ (2026) ආරම්භයේ සිට සැප්තැම්බර් මාසය දක්වා වූ ගතවූ මාස 9ක කාලය තුළ විදේශ ගත ශ්‍රමිකයන්ගෙන් අමෙරිකානු ඩොලර් මිලියන 6,500කට අධික ප්‍රේෂණ ප්‍රමාණයක් ලැබී ඇතැයි ශ්‍රී ලංකා මහ බැංකුව සඳහන් කරයි. ඒ අනුව ජනවාරි සිට සැප්තැම්බර් මාසය දක්වා ඇමෙරිකානු ඩොලර් මිලියන 6865.4ක සමස්ත විදෙස් ප්‍රේෂණ ප්‍රමාණයක් ලැබී ඇතැයිද එය පසුගිය වසරේ එම කාලයට සාපේක්ෂව අමෙරිකානු ඩොලර් මිලියන 1,053.7ක වර්ධනයක් බවද මහ බැංකුව පවසයි.
සැප්තැම්බර් මාසය දක්වා වූ කාලය සඳහා විදේශ ගත ශ්‍රමිකයන්ගෙන් මෙරටට ලැබී ඇති විදෙස් ප්‍රේශණ ප්‍රමානය 5,811.7ක් වන අතර මෙම වසරේ සැප්තැම්බර් මාසයේදී මෙරටට විදෙස් ප්‍රේශණ ලෙස අමෙරිකානු ඩොලර් මිලියන 734.4ක් ලැබී ඇතැයිද මහ බැංකුව පවසයි. එයද ගිය වසරේ සැප්තැම්බර් මාසයට සාපේක්ෂව ඉහළ යෑමක් වන අතර ගිය වසරේ සැප්තැම්බර් මාසයේදී මෙරටට විදෙස් ප්‍රේෂණ ලෙස 695.7ක් ලැබී තිබුණි.
✍️ ධාරා අබේනායක විසිනි.
