අයිස් මත්ද්‍රව්‍ය කිලෝ ග්‍රෑම් 61 කට අධික ප්‍රමාණයක් සමඟ පුද්ගලයකු පොලිස් විශේෂ කාර්ය බළකා නිලධාරීන් විසින් නිට්ටඹුව ප්‍රදේශයේදී අත්අඩංගුවට ගෙන තිබෙනවා.
ගෝනහේන පොලිස් විශේෂ කාර්ය බළකා කඳවුරේ නිලධාරීන්ට ලද තොරතුරකට අනුව, නිට්ටඹුව අරලිය පටුමග, පින්නගොල්ල වත්ත ප්‍රදේශයේ සිදු කළ වැටලීමකදී මෙම මත්ද්‍රව්‍ය තොගය සොයාගෙන ඇති බවයි සඳහන් වන්නේ.
එහිදී අයිස් මත්ද්‍රව්‍ය කිලෝ ග්‍රෑම් 61 ග්‍රෑම් 838 ක තොගයක් ත්‍රීරෝද රථයකින් ප්‍රවාහනය කරමින් සිටි අදාළ පුද්ගලයා අත්අඩංගුවට ගෙන ඇති අතර, එහි වටිනාකම රුපියල් කෝටි 90 කට අධික බවයි සඳහන් වන්නේ.
සිද්ධිය සම්බන්ධයෙන් පොලීසිය වැඩිදුර විමර්ශන සිදු කරනවා.
