ත්‍රස්ත පනත අහෝසි කිරීමට යයි
ත්‍රස්තවාදය වැළැක්වීමේ පනත අහෝසි කිරීමේ පනත් කෙටුම්පතේ කටයුතු මේ වනවිට අවසන් අදියරේ ඇතැයි අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර පවසයි.
මේ පනතට අදාල කෙටුම්පත ප්‍රසිද්ධ කොට ඇති අතර මේ වනවිට මහජන අදහස් ලැබී ඇතැයිද අමාත්‍යවරයා සඳහන් කරයි. එසේම ත්‍රස්තවාදය වැළැක්වීමේ පනත අහෝසිකර අලුත් නීතියක් ගෙන ඒමට නියමිත බවද හෙතෙම අවධාරණය කළේය.
මෙම සෑම කාර්යයකදීම ජනතා අදහස් ප්‍රමුඛත්වයෙහිලා සැලකෙන අතර, වඩා යහපත් රටක් උදෙසා මේ සියලුම පියවර ගන්නා බවත් සඳහන් කළේය.
උතුරේ ඉඩම් බොහොමයක් මේ වනවිට නිදහස් කොට ඇති අතර අතුරුදන් වූවන්ගේ කාර්යාලය හරහා පරීක්ෂණ සහ වන්දි ගෙවීමේ කටයුතු අරඹා ඇති බව පැවසූ ඔහු, අධිකරණ ක්‍රියාවලිය ප්‍රමාද වන්නේ දේශපාලන හේතු නිසා නොව, එහි පවත්නා පරිපාලන ගැටළු මත බවත් හෙතෙම වැඩිදුරටත් සඳහන් කර සිටී.
✍️ ධාරා අබේනායක විසිනි.
