ඩෙංගු මරණ අනුපාතය ඉහළට රටේ රෝහල් ධාරිතාව පහළට

ඩෙංගු මරණ අනුපාතය ඉහළට

රටේ රෝහල් ධාරිතාව පහළට

ඩෙංගු රෝගය මැඩලීමේ අරමුණින් ක්‍රියාත්මක කෙරෙන ජාතික ඩෙංගු මර්දන සතිය  ඊයේ (15) ආරම්භ විය මේ සඳහා රාජ්‍ය පරිපාලන පළාත් සභා සහ පළාත් පාලන අමාත්‍යාංශය, සෞඛ්‍ය හා ජනමාධ්‍ය අමාත්‍යංශයත්, ජාතික ඩෙංගු මර්දන ඒකකය, අධ්‍යාපන උසස් අධ්‍යාපන හා වෘත්තීය අධ්‍යාපන අමාත්‍යංශය සහ ශ්‍රී ලංකා පොලිසිය එක්ව කටයුතු කරනු ඇති.

ඩෙංගු මර්දන සතිය සම්බන්ධයෙන් මාර්ගගත තාක්ෂණය ඔස්සේ පැවැති සාකච්ඡාවකට සෞඛ්‍ය හා ජනමාධ්‍ය අමාත්‍යාංශය නියෝජනය කරමින් සහභාගී වූ ජාතික ඩෙංගු මර්දන ඒකකයේ ප්‍රජා සෞඛ්‍ය විශේෂඥ වෛද්‍ය ජගත් අමරසේකර ප්‍රකාශ කර සිටියේ මෙරට සතියක් තුළ වාර්තා වන ඩෙංගු රෝගීන් ප්‍රමාණය දහසකට ආසන්න අගයක් බවයි . තවද මේ වනවිට එම ප්‍රමාණය ඉක්මවා ගොස් ගුණිතයක ආකාරයෙන් සතියකට වාර්තා වන රෝගීන් ප්‍රමාණය වැඩිවෙමින් පවතින බවත් හෙතෙම ප්‍රකාශ කර සිටියේය. එබැවින් දෛනිකව රෝහල්ගතවන රෝගීන් සංඛ්‍යාවද ශීඝ්‍රයෙන් ඉහළ යමින් ඇති අතර සෞඛ්‍ය අංශවල ධාරිතාවද මේ වන විට ඉක්මවා යමින් සිදුවන මරණ අනුපාතය ද ඉහළ යා හැකි බවත් විශේෂඥ වෛද්‍යවරයා සඳහන් කළේය.

✍️ ධාරා අබේනායක විසිනි.