Mass killings – කැනඩාවේ පදිංචිව සිටි ශ්‍රී ලාංකික පවුලක සාමාජිකයින් පස්දෙනෙකු සහ එම පවුලේ හිතවතෙකු පෙරේදා රාත්‍රියේ [ 6 බදාදා] අමානුෂික ලෙස ඝාතනය කර ඇතැයි ඔටාවා පොලිස් ප්‍රධානියා ප්‍රකාශ කර තිබේ. මෙම ඝාතන සිදුකර ඇත්තේ අධ්‍යාපනය ලබා ගැනීම සඳහා කැනඩාවට පැමිණි සිටි ෆේබ්‍රියන් සොයිසා නම් 19 හැවිරිදි ශ්‍රී ලාංකිකයකු විසින් බවත්, සැකකරු තියුණු ආයුධයකින් ඇන ඝාතන සිදු කර ඇති බව ඔටාවා පොලිසිය ප්‍රකාශ කරයි.
මෙලෙස ඝාතනයට ලක්ව ඇත්තේ එකම පවුලේ මව,දරුවන් සිව් දෙනා සහ එම පවුලේ හිතවතෙකු වන අතර එම දරුවන්ගේ පියා තුවාල ලබා රෝහලේ ප්‍රතිකාර ලබන බවත් ඔහුගේ තත්වය යහපත් බවත් ඝාතනයට ලක්වූ දරුවන් සිව් දෙනාම වයස අවුරුදු 7 ට අඩු අතර මෙය ඉතාමත් “බිහිසුණු ප්‍රචණ්ඩ ක්‍රියාවක්” ලෙස හඳුන්වමින් කැනේඩියානු අගමැති ජස්ටින් ටෘඩෝ ප්‍රකාශයක් නිකුත් කර තිබේ.
මියගොස් ඇත්තේ 35 හැවිරිදි දර්ශනී දිලන්තිකා ඒකනායක, හත් හැවිරිදි ඉනුක වික්‍රමසිංහ, සිව් හැවිරිදි අශ්විනි වික්‍රමසිංහ, දෙහැවිරිදි රින්යානා වික්‍රමසිංහ, දෙමස් හැවිරිදි කෙලී වික්‍රමසිංහ සහ වික්‍රමසිංහ පවුලේ හිතවතෙකු වූ 40 හැවිරිදි ගාමිණි අමරකෝන් යන අය බව ඔටාවා පොලිස් ආරංචි මාර්ග පවසයි. ඇමරිකා එක්සත් ජනපදයේ සමුහ මිනීමැරුම් ඉතිහාසය සළකා බැලීමේදී, 2006 වසරේ සිට එරට සිදුවූ දෙවන ඉහළම මරණ සංඛ්‍යාව මෙය බව පැවසෙයි.
-විදෙස් පුවත් ඇසුරිනි-
ජායාරුප: Darshani Dilanthika Ekanayaka ෆේස්බුක් පිටුවෙනි.
