Loveena: ආරක්ෂක ලේකම් කමල් ගුණරත්න විසින් ගල්කිස්ස හෝටලය නිර්මාණය කිරීම පිටුපස ඇති සත්‍ය කතාවක් පාදක කරගනිමින් රචනා කරන ලද ගීතයක් පසුගිය ජූලි 14 වන දින ගල්කිස්ස මහා හෝටලයේ දී එළිදක්වා තිබෙනවා.
‘Loveena’ නමින් එළිදක්වා ඇති මෙම ගීතය ඓතිහාසික ගල්කිස්ස මහ හෝටලයේ නිර්මාණයට පසුබිම් වූ සත්‍ය කතාවක් පාදක කරගනිමින් රචනා කර ඇති අතර ප්‍රවීණ කලාකරුවන් වන චිත්‍රාල් සෝමපාල සහ කාංචනා අනුරාධි විසින් ගායනා කරනු ලබයි.
ආරක්ෂක ලේකම් කමල් ගුණරත්න ගීත 25 කට අධික ප්‍රමාණයක් රචනා කර ඇති අතර ඔහුගේ ගීත සඳහා තේමා ප්‍රධාන වශයෙන් දේශප්‍රේමය මෙන්ම ආදරය සහ සෙනෙහස ඇතුළත් වේ.
හිටපු නාවික හමුදාපති අද්මිරාල් නිශාන්ත උළුගේතැන්න, කොතලාවල ආරක්ෂක විශ්වවිද්‍යාලයේ උපකුලපති මේජර් ජෙනරාල් මිලින්ද පීරිස්, යුද හමුදාපති ලුතිනන් ජෙනරාල් විකුම් ලියනගේ, ගුවන් හමුදාපති එයාර් මාර්ෂල් උදේනි රාජපක්ෂ, ජාතික බුද්ධි ප්‍රධානී මේජර් ජෙනරාල් රුවන් කුලතුංග , ආනන්ද විද්‍යාලයේ විදුහල්පති ලාල් දිසානායක, කමල් අද්දරආරච්චි, චන්න විජේවර්ධන, ශ්‍රියන්ත මෙන්ඩිස් ඇතුළු ප්‍රවීණ කලාකරුවන්, ගල්කිස්ස හෝටලයේ සභාපති සනත් උක්වත්ත යන මහත්වරු ද මෙම අවස්ථාවට එක්වී තිබෙනවා.
