පොලිස් අණනොතකා ධාවනය කිරීම හේතුවෙන් ඊයේ (25) රත්මලාන ප්රදේශයේ දී අත්අඩංගුවට ගනු ලැබූ වෑන් රථයේ රියදුරු ගැන කරුණු කිහිපයක් අනාවරණය කරගැනීමට පොලීසියට හැකිව තිබෙනවා.
පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වුට්ලර් මහතා පවසා සිටියේ, අදාළ රියදුරු අපරාධ කිහිපයක් සම්බන්ධයෙන් මැදිරිගිරිය පොලීසියට අවශ්යකර සිටි සැකකරුවෙක් බවයි.
ඔහු මත්ද්රව්ය ජාවාරමට සම්බන්ධ බවට හෝ මත්ද්රව්ය භාවිතයට යොමු වූ අයෙක්ද යන්න පිළිබඳව ගල්කිස්ස පොලිසිය විමර්ශන ආරම්භ කර තිබෙන බව පොලිස් මාධ්ය ප්රකාශකවරයා පැවසුවා.
පොලිස් මාධ්ය ප්රකාශක එෆ්.යූ. වුට්ලර් මහතා මේ බව අණාවරණය කර සිටියේ අද(26) පැවති ප්රවෘත්ති සාකච්ඡාවට එක්වෙමින්.මෙලෙස අත්අඩංගුවට ගෙන සිටින්නේ ගල්කිරියාගම ප්රදේශයේ පදිංචි පුද්ගලයෙකු වන අතර, ඔහු සංචාරක ප්රවාහන කුළී ගමන් රියදුරෙක් ලෙස කටයුතු කර තිබෙනවා.
අණ නොතකා ධාවනය කළ මෙම වෑන් රථයට රත්මලාන ගොලුමඩම හංදිය අසලදී ගල්කිස්ස පොලිස් නිලධාරීන් විසින් හඹාගොස් වෙඩිතබා නතර කිරීමට පියවර ගත්තා.
