Virat Kohli – ටෙස්ට් ක්රිකට් තරඟවලින් සමුගැනීමෙන් පසු විරාට් කෝලි සහ අනුෂ්කා ෂර්මා රසිකාවියක් සමග පෙනී සිටි ඡායාරූපයක් මේ දිනවල බොහෝ දෙනාගේ අවධානය දිනා ගැනීමට සමත්වී තිබෙනවා. මෙම ඡායාරූපය විරාට් කෝලි ටෙස්ට් ක්රිකට් වලට සමුදීමෙන් පසු මුම්බායි නගරයෙන් පිටව යෑමට පෙර ඔවුන්ගේ නිවසේදී ගත් එකක් බවට විශ්වාස කරනවා.
විරාට් – අනුෂ්කා යුවළ සරල ඇඳුම්වලින් සැරසී තම රසිකාවිය සමග ඡායාරූපයට පෙනී සිටි අතර මුම්බායි නගරයෙන් පිටව ගුවන්තොටුපොළට ගිය ඔවුන් ගමන් කරන ස්ථානයක් පිළිබඳව මාධ්යට හෙළිදරව් කළේ නැහැ. ඔවුන් පැපරාසීන්ට සිනහවකින් සමුදී තිබෙනවා. විරාට්ගේ සමුගැනීමත් සමගින් ඔහුගේ රසිකයෙකු ඇඟලාගෙන සිටි ටී ෂර්ටයක් පිළිබඳවද මේ දිනවල කතාබහට ලක් වෙනවා. සුදු පැහැති එම ටී ෂර්ටයේ පසුපස විරාට් කෝලිගේ සුවිශේෂීම ක්රිකට් වාර්තා කිහිපයක් සටහන් කර තිබුණා. නමුත් කාගේත් අවධානය දිනාගත්තේ ඊට යටින් සඳහන් වූ වැකියයි. එහි “Thank you Anushka Sharma, The queen who strong behind our king ” යනුවෙන් සටහන් කර තිබුණා.
– Times Of India ඇසුරිනි –
