Love ආදරේ තියෙන්නේ අපි අතේ
ආදරේ අනන්ත විදුලි එළි
අපමණ අතීතෙදි බොඳවෙලා යන්නැති
ගැවසුනත් සමීපව දැනෙන කාන්සියට
හේතුවත් ඒකම වෙන්නැති…
මං ඔහේ හිතළුවක් කියන්නද..?
රැහැන් විදුලිය සහිත වුව
යන්නේ සමාන්තර ගමනක
ස්පර්ෂ වුණොත් මිස එකිනෙක
කාන්දුවක් නොමැතිව විදුලිය
ආදරෙත් එහෙම හැඟීමක් වෙන්නැති
එකිනෙකා ගැටුණොත් විසන්ධි වෙන….
පහළ හැම වස්තුවම ඉහළ හිඳ බලද්දී
අඟුටුමිටි හැඩ ගනී
ළඟට ළංවුණාමත් නියම හැඩතල පෙනී
හිත හිමින් ගැස්සෙතී….
ආ එකේ මේ ටිකත් අහනවද..?
ආදරේ අතගගා අඹන්නට
මැටි රූපයක් වගේ
ජීවිතේ මහ හුඟක්
මරිමෝඩකම් කෙරේ
අපිට ඕනෑ හැඩට
ආදරේ අඹන එක
තියෙන්නේ අපි අතේ…
