ETF – පසුගිය කාලසීමාවේදී තාවකාලිකව නවතා තිබු සේවා නියුක්තිකයන්ගේ භාර අරමුදල් මණ්ඩලය මගින් ප්‍රතිලාභ හිමියන් වෙත නිවාස ණය ලබාදීමේ වැඩසටහන නැවත ආරම්භ කිරීමට මේ වනවිට සාකච්ඡා සිදු කරමින් ඇති බව සේවා නියුක්තිකයන්ගේ භාර අරමුදල් මණ්ඩලයේ සාමාජික සේවා සහකාර සාමාන්‍යාධිකාරී නිහාල් ප්‍රසන්න පවසයි.
එය නැවත ක්‍රියාත්මක කිරීම සඳහා අදාළ බැංකු සමග සාකච්ඡා සිදු කරමින් ඇති අතර, සේවා නියුක්තිකයන්ගේ භාර අරමුදල් මණ්ඩලය මගින් මෙම නිවාස ණය ක්‍රමය හරහා එක් ප්‍රතිලාභියකු වෙත රුපියල් ලක්ෂ විසි පහක් දක්වා ණය මුදලක් ලබාදීමට අපේක්ෂා කරන බවත්, තවමත් එම සාකච්ඡා තුළින් යම් එකඟතාවකට පැමිණීමට නොහැකි වූවත්, එකඟතාවයකට පැමිණී විගස නැවත එම ප්‍රතිලාභය ලබාදීමට කටයුතු කරන බව සාමාන්‍යාධිකාරීවරයා වැඩිදුරටත් සඳහන් කරයි.
