Bad Weather – මේ දිනවල ශ්රී ලංකාවේ පවත්නා තද වැසිබර කාලගුණය එලෙසම අද [මැයි 21] සහ හෙට [මැයි 22] දිනයේත් එලෙසින්ම පවතින අතර ඊට අමතරව තද සුළං තත්ත්වයක් ඇති විය හැකි බව කාලගුණ විද්යා දෙපාර්තමේන්තුවේ කාර්යයේ නියුතු කාලගුණ විද්යාඥ පබෝදිනී කරුණාපාල පවසන්නීය. දිවයින වටා ඇති මුහුදු ප්රදේශවල පැයට කිලෝමීටර් 60 ත් 70 ත් අතර සුළං තත්ත්වයක් පැවැතිය හැකි බව සඳහන් කළ ඇය, රළු මුහුද පිළිබඳ කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා මුහුදු ප්රදේශ සඳහා අවවාදාත්මක රතු නිවේදන නිකුත් කර ඇති බවද පැවසුවාය.
කොළඹ සිට ගාල්ල හරහා මාතර දක්වා ප්රදේශවල මුහුදු රළ ගොඩබිමට පැමිණීමේ හැකියාවක් පවතින අතර රට අභ්යන්තරයේ මධ්යම කඳුකරයේ සුළඟ පැයට කිලෝමීටර් 50 ක් දක්වා වර්ධනය විය හැකි බවද, දිවයිනේ බටහිර බල ප්රදේශයේ සබරගමු පළාතට, රත්නපුර ප්රදේශයට මැයි 23 -24 යන දෙදින තුළ තද වැසි බලාපොරොත්තු විය හැකි බවද ඇය වැඩිදුරටත් සඳහන් කළා ය.
