Russia හිටපු රුසියානු සබ්මැරීන අණදෙන නිලධාරියෙකු වූ Stanislav Rshitsky වෙඩි තබා ඝාතනය කර තිබෙනවා. ඒ ඊයේ උදෑසන (ජුලි 11) දකුණු රුසියානු නගරයක් වන Krasnodar හිදී. Stanislav Rshitsky උදෑසන ව්‍යායාම සඳහා දුවමින් සිටින අතරතුර දී වෙඩි ප්‍රහාරයට ලක් වූ අතර ඔහු එම ස්ථානයේදීම මිය ගොස් තිබෙනවා.
සිද්ධිය සම්බන්ධව විමර්ශන සිදුවෙමින් පවතින අතර රුසියානු විමර්ශන කමිටුව පැවසුවේ ඝාතනය සම්බන්ධව සැකපිට පුද්ගලයෙකු අත්අඩංගුවට ගත් බවයි. ඔහු සතුව තිබී පිස්තෝලයක් හමුවී තිබෙනවා. රුසියානු මාධ්‍ය වාර්තා කළේ ඝාතකයා Stanislav Rshitsky ව ලුහුබැඳීම සඳහා Strava නම් app එක භාවිතා කර ඇති බවයි. (ව්‍යායාම කරන්නන් බහුලව භාවිතා කරන මෙම app එක මගින් එය භාවිතා කරන්නා සිටින ස්ථානය වෙනත් අයෙකුට දැන ගැනීමට පුළුවන) ප්‍රහාරය එල්ල වූ මොහොත කිසිදු CCTV කැමරාවක දර්ශනය නොවෙන තරමට ඝාතකයා ප්‍රවේශම් වී තිබෙනවා.
– CNN ඇසුරෙනි –
