Minister Diana Gamage මහත්මිය දුරකථනයෙන් පුද්ගලයකුට අසභ්‍ය ලෙස බැන වදින බව පවසමින් සමාජ මාධ්‍ය තුල සංසරණය වන හඬ පටයක් ඉවත් කිරීමට අවශ්‍ය පියවර ගන්නා ලෙස පොලිසියෙන් ඉල්ලා තිබේ.
සයිබර් අපරාධ විමර්ශන කොට්ඨාශයේ අධ්‍යක්ෂ වෙත ලිපියක් යවමින් රාජ්‍ය අමාත්‍යවරියගේගේ මාධ්‍ය ලේකම්වරයා විසින් සමාජ මාධ්‍ය තුළ ප්‍රචාරය වන හඬ පටය ඉවත් කිරීමට අවශ්‍ය පියවර ගන්නා ලෙස පොලිසියෙන් ඉල්ලා තිබේ.
ශාන් ගනේගොඩ නමැති පුද්ගලයෙකු බදාදා (5) දින නැවත නැවතත් රාජ්‍ය අමාත්‍යවරියට දුරකථනයෙන් කරදර කළ බවත් අමා අමාත්‍යවරියගේ ආරක්‍ෂක නිලධාරියා අදාළ පුද්ගලයා නැවත අමතා මේ පිළිබඳව සොයා බැලීමේදී දෙපාර්ශ්වය අතර බහින් බස්වීමක් සිදුවී ඇත.
මෙම සංවාදය අතරතුර රාජ්‍ය අමාත්‍ය ඩයනා ගමගේ කෝපයෙන් එම පුද්ගලයාට අසභ්‍ය වචනයෙන් බැණ වැදුණු බව පැවසේ.
මේ වන විට සමාජ මාධ්‍ය තුළ ප්‍රචාරය වන හඬ පටය රාජ්‍ය අමාත්‍යවරියට අපකීර්තියක් ගෙන දෙන බැවින් එම හඬ පටය සංසරණය වීමෙන් ඉවත් කිරීමට කඩිනම් පියවර ගන්නා ලෙස ඇයගේ කාර්යාලය පොලිසියෙන් ඉල්ලා සිටී.
