Chris Gayle predicts: හිටපු බටහිර ඉන්දීය කොදෙව් ආරම්භක පිතිකරු ක්‍රිස් ගේල් ICC ලෝක කුසලාන 2023 අවසන් පුර්ව වටයට එන කණ්ඩායම් ගැන අනාවැකි පළ කර තිබෙනවා.
පකිස්ථානය, ඉන්දියාව, එංගලන්තය සහ නවසීලන්තය ලෝක කුසලාන තරඟාවලියේ අවසන් පූර්ව වටයට පිවිසෙනු ඇති බවටයි Universe Boss විශ්වාස පළකරන්නේ .
43 හැවිරිදි ඔහු ක්‍රිස් ගේල් Press Trust of India (PTI) සමඟ සම්මුඛ සාකච්ඡාවකට එක්වෙමින් කියා සිටියේ දෙරට අතර පවතින එදිරිවාදිකම් හේතුවෙන් ඉන්දියාව සහ පකිස්තානය අතර තරඟය මුළු ලෝකයම නරඹන බැවින් කණ්ඩායම් දෙකේම ක්‍රීඩකයින් තරඟාවලියේ අදායමෙන් වැඩි මුදලක් ඉල්ලා සිටිය යුතු බවයි.
“එම කණ්ඩායම් (ඉන්දියාව සහ පාකිස්තානය) විශේෂයෙන් ලෝක කුසලාන තරඟාවලියකට ක්‍රීඩා කරන සෑම අවස්ථාවකම ඔවුන්ගේ ආදායම අති විශාලයි. එක් ක්‍රීඩාවකට සම්පූර්ණ ICC තරඟාවලියාම බලා ගත හැකිය. පකිස්තාන් සහ ඉන්දීය ක්‍රීඩකයින් එම ක්‍රීඩා සඳහා විශාල මුදලක් ඉල්ලා සිටිය යුතුය, මන්ද එම තරඟ රූපවාහිනි විකාශනයන් වලදී වැඩිම අදායම් ලබන තරඟ වේ” ගේල් PTI වෙත පවසා තිබේ.
ලෝක කුසලාන තරඟාවලියේ වඩාත්ම ප්‍රේක්ෂක ආකර්ශනය සහිත තරඟය ඔක්තෝම්බර් 15 වනදා ඉන්දියාව සහ පකිස්ථානය අතර තරඟයයි. එය නරඹන්නන් 132,000 ක් පමණ රැස්විය හැකි ලොව විශාලතම ක්‍රීඩාංගනය වන නරේන්ද්‍ර මෝදි ක්‍රීඩාංගනයේදී පැවැත්වීමට නියමිතයි. (PTI)
