New Zealand ජාතික කාන්තා ක්‍රිකට් කණ්ඩායම, ශ්‍රී ලංකා ජාතික කාන්තා ක්‍රිකට් කණ්ඩායම සමග පැවැත්වීමට නියමිත T20I සහ ODI තරඟාවලියට සහභාගී වීම සඳහා හෙට (ජුනි 22) ශ්‍රී ලංකාවට පැමිණීමට නියමිතයි.
New Zealand කාන්තා කණ්ඩායම ගුවන්තොටුපලේ සිට කෙලින්ම ගාල්ල බලා පිටත්වේ. ICC කාන්තා ශූරතාවලියේ කොටසක් වන ODI තරඟාවලිය 2023 ජූනි 27 සිට ගාල්ලේදී අරඹ වීමට නියමිතය.
දෙවන සහ තුන්වන එක්දින තරඟ පිළිවෙලින් ජූනි 30 සහ ජූලි 03 යන දිනවල පැවැත්වීමට නියමිතයි.
තරඟාවලියෙන් අනතුරුව තරඟ 3කින් සමන්විත T20I තරඟාවලිය සඳහා කණ්ඩායම් දෙකම නැවතත් කොළඹට පැමිණෙනු ඇත.
T20I තරඟාවලිය පිළිවෙළින් P. Sara Oval හිදී ජුලි 8, 10 සහ 12 දිනවලදී පැවැත්වේ.
