ජයකොඩි පෙන්නා ජනතාව වටේ යවන වටගල

ජයකොඩි පෙන්නා ජනතාව වටේ යවන වටගල

අල්ලස් හෝ දූෂණ චෝදනා විමර්ශන කොමිෂන් සභාව විසින් වර්තමාන ආණ්ඩුවේ සම්බන්ධ ප්‍රධාන චරිත කිහිපයකට එරෙහිව පරීක්ෂණ ආරම්භ කිරීම සමාජය තුළ උණුසුම් කතාබහට ලක්ව තිබේ. විශේෂයෙන්ම, මහජන ආරක්ෂක නියෝජ්‍ය අමාත්‍ය සුනිල් වටගල සහ හිටපු අමාත්‍ය කුමාර ජයකොඩි යන අයගේ වත්කම් සහ බැරකම් පිළිබඳව මූලික විමර්ශනයකින් අනතුරුව පූර්ණ පරීක්ෂණයක් ඇරඹීමට යන බව පුසිද්ධ වෙමින් පවති. මේ ආණ්ඩුවේම සුපුරුදු නාඩගමකි. 

ශ්‍රී ලංකාවේ දේශපාලන ඉතිහාසය දෙස බලන විට, බලයේ සිටින පක්ෂවලට හෝ අමාත්‍යවරුන්ට එරෙහිව විමර්ශන ඇරඹෙන විට ඒවා “දේශපාලන නාටකයක්” ලෙස බැහැර කිරීම හෝ නැතිනම් “විප්ලවීය වෙනසක්” ලෙස උදම් ඇනීම සාමාන්‍ය සිරිතකි. එහෙත්, ප්‍රජාතන්ත්‍රවාදී රාමුවක් තුළ සිදුවිය යුත්තේ දේශපාලනඥයා කවරෙක් වුවද, ඔහුගේ වත්කම්වල විනිවිදභාවය සහ නීතියට ඉහළින් කිසිවෙක් නොමැති බව තහවුරු කිරීමයි. එබැවින්, මෙම පරීක්ෂණ හුදෙක් මාධ්‍ය සංදර්ශනයකට පමණක් සීමා නොවී, සාක්ෂි මත පදනම්ව විනිවිදභාවයෙන් යුතුව අවසන් වන තාක් කල්, එය ජනතාවට ඇන්දවීමක්ය.