ශ්‍රී ලංකාවට දකුණු දිගින් වූ මුහුදේදී අමෙරිකානු ප්‍රහාරයකින් ජීවිතක්‍ෂයට පත් වූ ‘IRIS DENA’ නෞකාවේ සිටි ඉරාන නාවිකයන්ගේ මළ සිරුරු රැගත් ගුවන් යානය ඊයේ රාත්‍රියේ දිවයිනෙන් පිටත්ව ගොස් තිබෙනවා.
ඉරාන නාවිකයින් 84 දෙනෙකුගේ මළ සිරුරු එලෙස මත්තල ගුවන් තොටුපොල් සිට රැගෙන ගිය බවයි නෙත් නිවුස් වාර්තාකරු පැවසුවේ.මෙරට ඉරාන තානාපති කාර්යාලය සම්බන්ධීකරණය යටතේ එම කටයුතු සිදුකර තිබෙනවා.
පසුගිය මාර්තු මස 04වනදා ගාල්ල වරායට සැතපුම් 40ක දුරින් ‘IRIS DENA’ නෞකාව අමෙරිකානු සැබ්මැරීනයක සිට ටොපිඩෝවක් උපයෝගි කරගනිමින් මුහුදු බත්කළ බව අමෙරිකානු ආරක්ෂක ලේකම් පීටර් හෙග්සෙත් පැවසුවා.
එම නෞකාව අනතුරට ලක්වන අවස්ථාවේ එහි 180ක පමණ පිරිසක් සිට ඇතැයි වාර්තා වුණා.ශ්‍රී ලංකා නාවික හමුදාව පසුව සිදුකළ මෙහෙයුම්වලදී එහි සිටි 35 දෙනෙකු මුදාගෙන ගාල්ල ජාතික රෝහල වෙත ඇතුළත් කෙරුණා.
