ලොව කාර්යබහුලම ඉන්ධන ප්‍රවාහන සමුද්‍ර මාර්ගය වන හෝර්මූස් සමුද්‍ර සන්ධිය අවහිර කිරීම ඉරානය විසින් අඛණ්ඩව කරගෙන යනු ඇති බව ඉරානයේ නව උත්තරීතර නායක මොජ්තාබා අල් කමේනි පවසනවා.ඉරානයේ නව උත්තරීතර නායකයා ලෙස පත්වීමෙන් පසු සිය පළමු ප්‍රකාශය සිදු කරමින් ඔහු මේ බව ප්‍රකාශ කර ඇති බවයි විදෙස් මාධ්‍ය වාර්තාවල දැක්වෙන්නේ.
ඔහුගේ පණිවිඩය ඉරාන රාජ්‍ය රූපවාහිනියේ විකාශනය කරන ලද නමුත් ඔහු පෞද්ගලිකව එහි පෙනී සිට නැහැ.ඔහුගේ පණිවිඩය ප්‍රවෘත්ති කියවන්නෙකු විසින් කියවන ලද බවයි විදෙස් මාධ්‍ය වාර්තා කළේ.ඉරානය ”හෝර්මුස් සමුද්‍ර සන්ධිය අවහිර කිරීමේ ලීවරය” භාවිතා කළ යුතු බවත්, එය ”සතුරා බෙහෙවින් අවදානමට ලක්විය හැකි” ප්‍රදේශයක් බවත් එහිදී ඔහු පවසා තිබෙනවා.
අමෙරිකා එක්සත් ජනපදය හා ඊශ්‍රායලය සමඟ යුද්ධයේදී මියගිය ඉරාන ජාතිකයින්ගේ ”ලේ පළිගැනීමට” ඉරානය කටයුතු කරන බව කමේනි සිය ප්‍රකාශයේ සඳහන් කළ අතර අසල්වැසි රටවලට ඇමරිකානු කඳවුරු සඳහා සත්කාරකත්වය සැපයීම නවත්වන ලෙස ද අනතුරු අඟවා තිබෙනවා.
අමෙරිකාව සහ ඊශ්‍රයලය ඉරානයට පහර දීම ආරම්භ කළ පළමු දිනයේදී අයතුල්ලා අලි කමේනි ඝාතනය කිරීමෙන් පසු පසුගිය මාර්තු 8 වනදා ඉරාන නව උත්තරීතර නායකයා ලෙස මොජ්තාබා අල් කමේනි නම් කරනු ලැබුවා
