- වාහන මිල ලක්ෂ ගණනින් ඉහළට
ඇමරිකානු ඩොලරයට සාපේක්‍ෂව රුපියල තවදුරටත් අවප්‍රමාණය වීම සහ සමාජ ආරක්ෂණ දායකත්ව බද්ද (sscl) සියයට 2.5 කින් ඉහළ යෑම හේතුවෙන් පසුගියදා (01) සිට වෙළඳපොලේ ආනයනික වාහන මිල ඉහළ ගොස් ඇතැයි අනුමාන කෙරේ.
ලංකා වාහන ආනයනකරුවන්ගේ සංගමයේ සභාපති ප්‍රසාද් මානගේ මහතා පවසන පරිදි බදු ඉහළ යෑමත්, විදෙස් විනිමය අනුපාතවල සිදුවන හදිසි වෙනස් වීම් හේතුවෙනුත් වාහන වෙළඳපළේ ජනප්‍රිය වාහන මාදිලි කිහිපයකම මිල සැලකිය යුතු ලෙස ඉහළ ගොස් ඇත.
ඒ අනුව වෙසෙල් රුපියල් ලක්ෂ 300,000කින් සහ ටොයොටා රේස් රුපියල් 250,000කිනුත්, සුසුකි වැගන්ආර් රුපියල් 150,000කින් පමණ මිල ඉහළ යා හැකිය. මේ සම්බන්ධයෙන් අදහස් දැක්වූ සභාපතිවරයා, වැඩිදුරටත් සඳහන් කර සිටියේ මෙරටේ ගැනුම්කරුවන් අතර වඩාත් ජනප්‍රිය වාහන මාදිලි කිහිපයකම මිල ආසන්න වශයෙන් මෙයාකාරයට ඉහළ යනු ඇති බවයි.
අපේ රටේ තවමත් දිනෙන් දින ඉහළ යන ජීවන වියදම හමුවේ වාහන වෙළඳපොළ තුළ මෙසේ මිල ඉහළ යෑම අපේ රටේ වාහන ගැනුම්කරුවන්ට දරා ගැනීම අපහසු නිසා ඉදිරියේදී වාහන වෙළඳපොළ තුළ ඉල්ලුම නොසිතූ ලෙස පහත වැටිය හැකි බවට ආනයනකරුවෝ සඳහන් කර සිටිති.
ධාරා අබේනායක විසිනි.
