කතානායකට විශ්වාසභංගයක් – No-Confidence Motion
කතානායක වෛද්ය ජගත් වික්රමරත්නට එරෙහිව විශ්වාසභංග යෝජනාවක් ඉදිරිපත් කිරීමට, විපක්ෂ නායක සජිත් ප්රේමදාස මහතාගේ ප්රධානත්වයෙන් පාර්ලිමේන්තුවේදී පැවතී විපක්ෂයේ මන්ත්රී කණ්ඩායම් රැස්වීමේදී මෙම තීරණය ගෙන ඇත. ඒ අනුව විශ්වාසභංග යෝජනාව කෙටුම්පත් කිරීම සඳහා විපක්ෂයේ නීතිඥවරුන් වන මන්ත්රී පිරිසකට පවරා ඇතැයි වාර්තා වේ. විශ්වාසභංග යෝජනාව සඳහා කතානායකවරයා ආණ්ඩුක්රම ව්යවස්ථාව සහ පාර්ලිමේන්තුවේ ස්ථාවර නියෝග කඩ කර ඇතැයි යන්න චෝදනා ගොනුකොට ඇත.
ශ්රේෂ්ඨාධිකරණයේ සහ අභියාචනාධිකරණයේ පුරප්පාඩු අටක් සම්පූර්ණ කිරීමට පාර්ලිමේන්තුව සහාය නොදීමෙන් කතානායකවරයා ආණ්ඩුක්රම ව්යවස්ථාව උල්ලංඝනය කර ඇති බවට විපක්ෂ මන්ත්රීවරු චෝදනා නගති. විපක්ෂය මේ පිළිබඳ පාර්ලිමේන්තුවට කරුණු ඉදිරිපත් කළද කතානායකවරයා ඊට අවධානයක් යොමු කර නැති බවත් ස්ථාවර නියෝග අනුව විපක්ෂයේ මන්ත්රීවරුන් භාර දෙන ලිපි භාර ගැනීමද කතානායකවරයා ප්රතික්ෂේප කර ඇති බවත් ඔවුහු වැඩිදුරටත් සඳහන් කරති.
✍️ ධාරා අබේනායක විසිනි.
