Syria – සිරියාවේ දමස්කස් (Damascus) නගරයේ පල්ලියකට බෝම්බ ප්‍රහාරයක් එල්ල කර තිබෙනවා.IS ත්‍රස්තවාදීන් ඊයේ රාත්‍රියේ ( ජුනි 22) එල්ල කරන ලද මරාගෙන මැරෙන බෝම්බ ප්‍රහාරය හේතුවෙන් පුද්ගලයින් 22 දෙනෙකු ජීවිතක්ෂයට පත්වී ඇති අතර 65 දෙනෙකු තුවාල ලබා ඇති බව සිරියානු මාධ්‍ය පවසනවා.හිටපු සිරියානු ජනපති බෂාර් අල් අසාද් පසුගිය දෙසැම්බරයේ බලයෙන් පහ කර,ඉස්ලාමීය නායකත්වයෙන් යුතු රජයක් පත් කරගැනීමෙන් පසු සිදුවූ පළමු මරාගෙන මැරෙන ප්‍රහාරය (IS වරුන්ගේ) මෙයයි.මිනිසුන් යාඥා කරමින් සිටියදී පල්ලියට ඇතුළු වූ අයෙක් කබායේ රඳවාගෙන තිබූ බෝම්බ පුපුරුවාගත් බවත්,තව අයෙක් ඇතුළුව වෙඩි තැබූ බවත් සිද්ධිය ඇසින් දුටු සාක්ෂිකරුවන් පවසා තිබේ.සිද්ධිය වන අවස්ථාවේ බැතිමතුන් 350 ක් පමණ එහි රැඳී සිට තිබෙනවා.ආරක්ෂක අංශ මේවන විට විමර්ශන සිදුකරන බවත් මෙය ” ජාතික සහජීවනය අඩපණ කර,රට අස්ථාවර කිරීමට ගත් උත්සාහයක් ” බවත් සිරියානු විදේශ අමාත්‍යාංශය පවසනවා.
– The Guardian ඇසුරිනි –
